តើ Aptos ជាអ្វី?

Aptos គឺជាប្រព័ន្ធ protocol blockchain Layer 1 Proof-of-Stake ដែលដំណើរការវិធីកិច្ចសន្យាឆ្លាតវៃ (smart contract) ដោយប្រើភាសាកម្មវិធីឈ្មោះថា «Move» - ភាសាកម្មវិធី«Move» នេះ គឺជាភាសាគោលមួយដែលហៅថា «Rust» វាត្រូវបានបង្កើតឡើងដោយអតីតវិស្វករក្នុងគម្រោង Diem blockchain របស់ក្រុមហ៊ុន Meta ។

ចក្ខុវិស័យរបស់ Aptos គឺជា blockchain ដែលអាចធ្វើឲ្យអ្នកប្រើប្រាស់ទូទៅអាចប្រើកម្មវិធី Web 3 បាន និងបានជាប្រយោជន៍ ព្រមទាំងផ្តល់នូវឧបករណ៍ ធនធាន ក៏ដូចជាហេដ្ឋារចនាសម្ព័ន្ធ ដើម្បីគាំទ្រដល់ការអភិវឌ្ឍន៍ និងការរីកចម្រើនរបស់ DApp ក្នុងការជួយដោះស្រាយបញ្ហានានាដែលអ្នកប្រើប្រាស់បាន​កំពុង​ជួបប្រទះរាល់ថ្ងៃ ។

ប្រព័ន្ធ blockchain PoS អាចធ្វើប្រតិបត្តិការបានប្រហែល 150,000 ប្រតិបត្តិការក្នុងមួយវិនាទី និងក្នុងពេលដំណាលគ្នា ។​

នៅក្នុងខែមីនា ឆ្នាំ2022 Aptos បានគៀងគរថវិកាប្រហែល 200លានដុល្លារ​​ ដែលដឹកនាំដោយក្រុមហ៊ុន   បណ្តាក់ទុនឈ្មោះថា «Andreessen Horowitz (a16z)»។ ក្រៅពី Aptos​ ក៏មានរូបិយប័ណ្ណឌីជីថលផ្សេងទៀតដូចជា Tiger Global និង​ Multicoin Capital ក៏បានចូលរួមក្នុងដំណាក់កាលគៀងគរថវិកានេះផងដែរ។ បន្ទាប់មកនៅក្នុងខែកក្កដា ធុរៈកិច្ចថ្មីនេះក៏បានគៀងគរថវិកាបន្ថែមប្រហែល 200លានដុល្លារនៅក្នុងជុំ «Series A» ជាមួយក្រុមហ៊ុនអ្នកវិនិយោគផ្សេងទៀត មានដូចជា Dragonfly, Apollo Global, Franklin Templeton, និងAnimoca, Jump ។ល។

2ខែក្រោយមក ផ្នែកវិនិយោគរបស់ក្រុមហ៊ុនBinance ដែលហៅថា Binance Labs បានធ្វើការវិនិយោគបែបយុទ្ធសាស្រ្តមួយ ដែលមិនបង្ហាញទិន្នន័យបរិមាណវិនិយោគនៅក្នុង Aptos ។

នៅថ្ងៃទី18 ខែតុលា ឆ្នាំ2022 Aptos បានប្រកាសពីការចាប់ផ្តើមដំណើរការប្រតិបត្តិការរបស់ខ្លួននៅខណៈពេលដែលចំនួនBlockដំបូង បានបង្កើតឡើងនៅក្នុងប្រព័ន្ធblockchain នៅក្នុងថ្ងៃទី12 ខែតុលា ឆ្នាំ2022 ។

តើនរណាជាស្ថាបនិករបស់ Aptos?

Aptos គឺជាគំនិតផ្តួចផ្តើមរបស់លោក Mo Shaikh និងលោក Avery Ching ដែលជាអតីតបុគ្គលិករបស់ក្រុមហ៊ុន Meta។ លោក Mo បច្ចុប្បន្នគឺជានាយកប្រតិបត្តិរបស់ក្រុមហ៊ុន ហើយក៏ជាស្ថាបនិកម្នាក់ដែលមានបទពិសោធន៍ផ្នែកសេវាកម្មហិរញ្ញវត្ថុ និងផ្នែកblockchain/ទ្រព្យឌីជីថលផងដែរ។ យោងទៅតាមប្រវត្តិរូបដែលបានដាក់នៅក្នុងវេទិកា LinkedIn លោកមានជំនាញក្នុងការអភិវឌ្ឍន៍ពង្រីកផលិតផល និងមានបទពិសោធន៍ក្នុងទីផ្សារភាគហ៊ុន ក៏ដូចជាទីផ្សារបណ្តាក់ទុនផងដែរ ។

លោក Ching គឺជានាយកផ្នែកបច្ចេកវិទ្យារបស់ Aptos។ លោកគឺជាអ្នកជំនាញវិស្វកម្មកុំព្យូទ័រ និងជាវិស្វករកុំព្យូទ័រម្នាក់ដ៏សំខាន់នៅក្នុងក្រុមហ៊ុនមេតា ។

អ្នកទាំងពីរបានធ្វើការរួមគ្នាក្នុងគម្រោង blockchain Diem នៅក្នុងក្រុមហ៊ុន Meta។ លោក Shaikh និងលោក Ching ក៏បានសម្រេចចិត្តរួមកម្លាំងគ្នាបង្កើតគម្រោង Aptos Labs នេះឡើងនៅពេលដែលគម្រោង Diem ត្រូវបានបញ្ឈប់នៅក្នុងខែមករា ឆ្នាំ2022។ ដូច្នេះហើយទើបវាមិនមែនជារឿងភ្ញាក់ផ្អើលអ្វីនោះទេ ដែល Aptos ប្រើប្រាស់បច្ចេកវិទ្យាមួយចំនួនរបស់គម្រោង Diem ។

សមាជិកមួយចំនួនផ្សេងទៀតរបស់ក្រុម Aptos មានដូចជា អ្នកស្រាវជ្រាវ អ្នករចនា និងវិស្វករដែលមកពីគម្រោង Diem ។

តើអ្វីដែលធ្វើឱ្យ Aptos មានលក្ខណៈពិសេស?

ក្នុងពេលចាប់ផ្តើមដំបូង ក្រុមការងារ Aptos បានអះអាងថា បណ្តាញរបស់ខ្លួនអាចដំណើរការប្រតិបត្តិការបានប្រហែល 150,000 ប្រតិបត្តិការ។ ដោយការប្រៀបធៀបជាមួយបណ្តាញប្រតិបត្តិការរបស់ Ethereum គឺប្រហែល 12 ទៅ 15​ តែប៉ុណ្ណោះ ។

​សមត្ថភាពដែលធ្វើប្រតិបត្តិការបានច្រើនក្នុងពេលតែមួយ គឺនៅតែអាចធ្វើប្រតិបត្តិការបានបើទោះបីជាមានសមាសភាពមួយចំនួននៅក្នុងប្រព័ន្ធមិនដំណើរការក៏ដោយ។ ជាបរិបទនៃប្រព័ន្ធ blockchain ជាទូទៅ រាល់ប្រតិបត្តិការទាំងអស់ គឺត្រូវធ្វើតាមលំដាប់លំដោយ ដែលនេះគឺមានន័យថា ប្រសិនបើមានប្រតិបត្តិការណាមួយមានបញ្ហា ឬក៏មានប្រតិបត្តិការច្រើនក្នុងពេលតែមួយ ក៏បណ្តាញនៅតែអាចទ្រទ្រង់ និងដំណើរការសង្វាក់ទាំងមូលបានជាធម្មតា ។​

ក្នុងករណី សម្រាប់Aptos វិញ គ្រប់ប្រតិបត្តិការទាំងអស់នឹងដំណើរការជាបន្តគ្នា និងធ្វើការផ្ទៀងផ្ទាត់នៅពេលបន្ទាប់។ សម្រាប់ប្រតិបត្តិការដែលបរាជ័យ នឹងត្រូវធ្វើប្រតិបត្តិការឡើងវិញ ឬត្រូវដកចេញ ដោយសារតែប្រព័ន្ធ (Software) អង្គចងចាំរបស់ blockchain ដែលមានសមត្ថភាពអាចចាប់បាន និងគ្រប់គ្រងរាល់បញ្ហាដែលកើតមានឡើង ។

Aptos កសាងឡើងដោយប្រើប្រាស់ប្រព័ន្ធបណ្តាញ Move ដែលជាកម្មវិធីភាសាកូដរបស់កិច្ចសន្យាឆ្លាតវៃថ្មី ដែលអះអាងថានឹងផ្តល់អត្ថប្រយោជន៍ ទៅដល់ការប្រើប្រាស់ភាសា Solidity ដែលជាកម្មវិធីភាសារបស់កិច្ចសន្យាឆ្លាតវៃដំណើរការនៅលើEtherum។​ នេះរួមបញ្ចូលទាំងការបញ្ជារបស់ blockchain ដែលងាយស្រួលផ្ទៀងផ្ទាត់ កែប្រែ private key និងការរចនាឡើងរបស់ Aptos ដែលរួមមាន Consensus mechanism ប្រតិបត្តិការកិច្ចសន្យាឆ្លាតវៃ ការរក្សាទុកទិន្នន័យ និងការទំនាក់ទំនងក្នុងប្រព័ន្ធ​ ។

ករណីប្រើប្រាស់ថ្មីអាចដឹងបានតាមរយៈការធ្វើបច្ចុប្បន្នភាព និងការកែប្រែរបស់ Aptos - នៅខណៈ​ពេល​ដែល Aptos អាចបង្កើនសមត្ថភាពធ្វើប្រតិបត្តិការ តាមរយៈការកសាងនៅក្នុង protocol ស្នូល ដែលអាចកាត់បន្ថយតម្រូវការការរក្សាទិន្នន័យសម្រាប់ node នីមួយៗ និងផ្តល់ជូននូវបទពិសោធន៍ការប្រើប្រាស់ដ៏ល្អ ដូចជាដំណើរការប្រតិបត្តិការលឿន មិនរអាក់រអួល និងមានតម្លៃសមរម្យ ៕

ប្រភព៖ Coinmarketcap